PARIRIMBON/ PRIMBON

PARIRIMBON/ PRIMBON

Paririmbon atawa perimbon asalna tina kecap imbu hartosna simpen, janten tiasa dihartoskeun hiji tempat pikeun sumpan-simpen mangrupa buku anu lebetna disimpen sagala catetan penting sarta hese diapalkeun. Umumna masarakat ngagunakeun paririmbon pikeun pituduh praktis dina kagiatan hirup kumbuh sapopoe, dina mangsa ayeuna masih aya nu ngagunakeun, jang sakadar ngamumule budaya nu meh leungit

Masarakat Sunda mikawanoh kana kapercayaan anu geus jadi sakulit sadaging, nyaéta kapercayaan ngeunaan itung-itungan dina nyanghareupan rupa-rupa pagawéan, utamana anu aya hubunganana jeung hadé goréng nasib, upamana dina tatanén, kuriak, jeung kawin, biasana diitung heula. Dipatalikeun jueng itungan atawa ramalan, paririmbon leuwih nekenkeun kana hal-hal kadunyaan. Ngeunaan bener henteuna hasil itung-itungan tumali jeung kayakinan hiji jalma atawa kelompok dina ngalarapkeunana, nepi ka naon anu dipiharep tina niat atawa garapan téh henteu méncog tina harepan.

Dina prak-prakanana, itung-itungan ieu téh ngagunakeun taun, bulan, poé, jeung pasaranana anu masing-masing miboga ajén anu disebut naktu atawa neptu, Itung-itungan téh upamana saperti ieu:

Dinten Pasaran                                Naptu

Senen               4                                  Legi                  5

Salasa              3                                  Pahing               9

Rebo                 7                                  Pon                   7

Kemis                8                                  Wage                4

Jumaah             6                                  Kaliwon             8

Saptu                9

Dina Blog ieu, pribados bade ngamumule budaya ngalangkungan sababaraha rupi ngenaan eusi paririmbon, diantawisna nangtukeun pindah atawa kuriak, kekedutan, wedal, itungan jodo jeung lain sajabana, manga diaos.