KUJANG

KUJANG

Kujang nyaeta hiji pakarang aheng tina beusi, baja, jeung bahan pamor tiasa tina bahan emas perak atamapi nusanesna, panjangna kirang langkung 20 dugika 25 centi meter, beuratna kinten-kinten 3 ons, pakarang ieu asalna ti tatar sunda, munggaran aya dina abad ka 8 atanapi 9

Kujang mangrupikeun pakakas anu ngagambarkeun sekeutna kakuatan akal dina kahirupan oge ngagambarkeun leber wawanen kanggo ngabela kabeneran. Pakarang ieu tiasa dijadikeun sanjata alat tatanen, perlambang, papas oge kanggo kagegelan. Numutkeun Sanghyang siksakandang karesian pupuh XVII, kujang nyaeta pakarang kaum petani sareng ngagaduhan akar budaya tatanen urang Sunda.

Ceuk sakaol ngaran kujang asalna tina kecap kudihyang (kudi  jeung Hyang) bahasa sunda kuno nu hartina pakarang anu ngagaduhan kakuatan gaib, sakti, kanggo jimat sarta panolak bala. Hyang bisa di sebut nu maha Kawasa.  Aya oge nu nyebatkeun asal kecap tina Ujang nu hartina manusa sakti siga Prabu Siliwangi. Sacara umum, Kujang ngandung harti pusaka anu ngagaduhan kekuatan ti nu maha Kawasa (=Hyang), dijaman baheula kujang teu bisa dipisahkeun ti urang Sunda sabab kagunaanna jang tatanen. Bukti anu nguatkeun yen kujang pakarang tatanen, tiasa ditingali ti urang Baduy, Banten sereng urang  Pancer Pangawinan di Sukabumi.

Bagian-bagian Kujang

Ciri kujang ngagaduhan sisi anu seukeut sareng nami bagianana, antawisna: papatuk/congo (tunngtung kujang nu siga panah), eluk/silih (elukan dina bagian tonggong), tadah (elukan nu nonjol dina bagian payun) tur mata (liang alit biasana ditutupan ku emas atanapi perak).

Dina Pantun Bogor sapertos nu di saurkeun ku Anis Djatisunda (996-2000), kujang ngagaduhan rupi-rupi kagunaan sareng wangun.

Aya opat rupi kujang antawisna:

1.     Kujang Pusaka (lambang kaagungan sareng kasalametan),

2.     Kujang Pakarang (kanggo perang),

3.     Kujang Pangarak (alat upacara)

4.     Kujang Pamangkas (pakarang tatanen).

Aya sababaraha bentuk bilah diantawisna:

1.     Kujang Jago (jiga hayam jago),

2.     Kujang Ciung (jiga manuk ciung),

3.     Kujang Kuntul (jiga manuk kuntul/bango),

4.     Kujang Badak (siga badak),

5.     Kujang Naga (siga naga)

6.     Kujang Bangkong (siga bangkong)

Sasakala

Sepuh kapungkur nyebatkeun hartos nu luhur nu kakandung dina hartos kujang nyaeta Ku-Jang-ji rek neruskeun padamelan sepuh karuhun urang Janji kanggo neraskeun perjuangan sepuh karuhun urang nyaeta menegakan cara-ciri manusa SARENG cara ciri bangsa, nyaeta

Cara-ciri Manusa aya 5

1.     Welas Asih

2.     Tatakrama

3.     Undak Usuk

4.     Budi Daya Budi Basa,

5.     Wiwaha Yuda Na Raga ("Ngaji diri").

Cara-ciri Bangsa ada 5

1.     Rupa,

2.     Basa

3.     Adat,

4.     Aksara

5.     Kabudayaan

Sejarah Bentuk Kujang

Hiji mangsa Prabu Kudo Lalean alias Prabu Kuda Lelean di tatar Sunda jeung Karajaan Panjalu Ciamis anu katelahna Hyang Bunisora oge Batara Guru di Jampang lantaran jadi resi nu sakti mandraguna di Jampang (Sukabumi), nu waktos harita marentah Karajaan Padjadjaran Makukuhan jeung Panjalu, nuju tapa brata dihiji tempat, anjeuna kengeng ilapat kanggo ngarombak deui bentuk Kujang anu salami ieu digunakeun kanggo pakarang tatanen, teu diengkekeun deui geuwat sang prabu marentahkeun empu Windu Supo kanggo ngadamel pakarang anu sami sareng ilapat sang Prabu, nanging empu Windu Supo ngaraos hemeng margi teu jelas siga kumaha gambaran dina eta ilapat sang Prabu, lajeng empu Windu Supo tapa brata nyungkeun pituduh ti nu maha kawasa supados tias nyawang kana implengan sang Prabu, rengse meditasi anjeuna ngawitan ngadamel pakarang nganggo kasaktian anu di papaesan ku niley luhur filosofis, dugika rengsena ngadamel eta pakarang anu bentukna aheng sareng aya tuahna, pakarang ieu ngagaduhan dua ciri  nyaeta bentukna anu sarimbag sareng pulau Jawa sareng aya tilu liang nu aya dina tungtung eta pakarang. Tisaprak harita Kujang dianggo ku para raja jeung bangsawan Kerajaan dijadikeun lambang kawibawaan jeung kasaktian. Pakarang ieu anu baris jdi symbol urang sunda